Økologisk culotte av grasfôra Vestlandsk fjordfe.
PRIS PER KG: 300 kr
Culotte ligg over mørbraden på dyret, i forlengelsen av bankekjøtet. Den har som bankekjøtet ein del bindevev, og er best til kokte rettar eller gryterettar. Godt mørna kan ein også bruke den som steik. Snitt då feittkappa og krydre med salt og pepper. Steik culotten i omnen på 175 °C til ønska kjernetemperatur.
KORLEIS HANDLAR DU HJÅ OSS: Ettersom stykningsdelene våre alltid har ulik vekt, vert også prisane forskjellige frå gong til gong. Difor kan ein ikkje førehandsbetale her i nettbutikken. Ein bestiller tilnærma vekt ein ynskjer, og betaler med vipps eller kort ved henting. Legg gjerne igjen ein beskjed i kommentarfeltet ved bestilling.
SLAKT OG HALDBARHEIT: Kjøtet er slakta hjå Larsastova i Granvin, ein kort køyretur på 40 minutt frå garden vår. Culotte vert nokon gonger levert ferskt, nokon gonger frose. Haldbarheitsdato står på etikett på pakka.
